ئاژانسی هه‌والى ڕۆیته‌رز بلاویكرده‌وه‌ ، كه‌ به‌شی چواره‌مى فیلمى ئه‌مته‌رى به‌ناوبان

گ تۆم كروز به‌ناوى ( Mission: Impossible – Ghost Protocol) بۆ دووه‌م هه‌فته‌ له‌سه‌ر یه‌ك ده‌بێت به‌ پڕداهاترین فیلمى ئه‌م هه‌فته‌یه‌ى ئه‌مریكاى باكور .

كۆمپانیاى دابه‌شكار پارامونت بیكچه‌رز ئاماژه‌ به‌وه‌ده‌كات كه‌ ئه‌م فیلمه‌ له‌ ماوه‌ى سێ ڕۆژی نمایشكردنیدا توانى 38،3 ملیۆن دۆلار له‌سه‌ر ئاستى سینه‌مایه‌كانى ئه‌مریكاو كه‌نه‌دا كۆبكاته‌وه‌ .

هه‌روه‌ها فیلمى (شارلۆك هولمز.. Sherlock Holmes: A Game of Shadows) ، پاش ئه‌وه‌ى توانى 26,5 ملیۆن دۆلار كۆبكاته‌وه‌ به‌ پله‌ى دووه‌م هات .

له‌لایه‌كى تریشه‌وه‌ فیلمى (Alvin and the Chipmunks) به‌ پله‌ى سێیه‌مى فیلمى پڕداهاتى ئه‌م هه‌فته‌یه‌ى ئه‌مریكاى باكور هات ، دواى ئه‌وه‌ى توانى 21 ملیۆن دۆلار به‌ده‌ست بێنێت .سەرچاوە كوردستان تڤی

له‌ڕۆژانی ئه‌مڕۆدا به‌كارهێنانی (MP3) به‌شێوه‌یه‌كی گشتی له‌ بازاڕه‌كاندا ده‌فرۆشرێت و هیچ یاسایه‌كیش نییه‌ بۆ دیاری كردنی فرۆشتنی ڕێژه‌ی ئه‌و ئامێره‌ و لاوانیش به‌شێوه‌یه‌كی گشتی به‌ ده‌نگی به‌رز گوێ‌ ی لێده‌گرن.
له‌ لێكۆڵینه‌وه‌یه‌كی زانكۆی (ته‌لئه‌بیب) هاتووه‌ كه‌ گوێ‌ گرتن له‌و ئامێره‌ به‌ده‌نگی به‌رز كاریگه‌ی له‌سه‌ر لاوان ده‌بێت و له‌ ته‌مه‌نێكی دیاری كراودا توشی نه‌خۆشی كه‌ڕبوون دێن.
یه‌كێك له‌و پڕۆفیسۆرانه‌ ئاماژه‌ی بۆ ئه‌وه‌كرد” له‌هه‌موو چوار لاوێك یه‌كێكیان ئه‌گه‌ری توش بوون به‌نه‌خۆشی كه‌ڕی لێده‌كرێت ئه‌گه‌ربێت و به‌ ده‌نگی به‌رز گوێ‌ ی لێبگیرێت”.سەرچاوە payam

كۆمپانیای‌ تۆیۆتا دروستكردنی‌ كه‌م به‌نزینخۆرترین ئۆتۆمبێلی‌ جیهانی‌ ده‌ست پێكردووه‌ كه‌ به‌ به‌نزین و كاره‌با كار ده‌كات

كۆمپانیای تۆیۆتا مۆتۆرزی ژاپۆنی، بۆ رووبه‌ڕووبوونه‌وه‌ی ركابه‌ریی توندی ئه‌و كۆمپانیایانه‌ی ته‌نیا ئۆتۆمبێلی كاره‌بایی دروست ده‌كه‌ن، دروستكردنی ئۆتۆمبێلێكی نوێی تێكه‌ڵی ئاشكرا كرد كه‌ كه‌م به‌نزینخۆرترین ئۆتۆمبێله‌ له‌ جیهاندا.

به‌پێی‌ هه‌واڵی‌ میدڵ‌ ئیست ئۆنلاین، ئۆتۆمبێله‌ نوێیه‌كه‌ ناوی ئه‌كوایه‌ و له‌ ده‌ره‌وه‌ی ژاپۆن به‌ ناوی بریۆس سی ده‌خرێته‌ بازاڕه‌وه‌ و له‌ 35.4 كیلۆمه‌تردا ته‌نیا یه‌ك لیتر به‌نزین ده‌سووتێنێ‌ كه‌ ئه‌مه‌ باشترین جۆری ئۆتۆمبێلی كۆمپانیاكه‌ و جیهانه‌ له‌ كه‌م به‌كارهێنانی

به‌نزیندا و سه‌ركه‌وتووتره‌ له‌ جۆرێكی‌ دیكه‌ی‌ به‌رهه‌می كۆمپانیاكه‌ له‌و بواره‌دا كه‌ له‌ 32 كیلۆمه‌تردا یه‌ك لیتر به‌نزین ده‌سووتێنێت.

هه‌ردوو كۆمپانیای تۆیۆتا مۆتۆڕز و جه‌نه‌راڵ مۆتۆرز ده‌یانه‌وێ شوێن پێیه‌ك بۆ خۆیان له‌ بازاڕی ئۆتۆمبێله‌ كاره‌باییه‌كانی‌ دۆستی ژینگه‌دا بكه‌نه‌وه‌ له‌ رێگه‌ی دروستكردنی هه‌ردوو جۆری لیف و شیفرۆلێت ڤۆڵت، به‌ڵام پێشبینی ده‌كرێ قه‌باره‌ی فرۆشی ئه‌و ئۆتۆمبێلانه‌ به‌ كه‌می بیمێنێته‌وه‌ تا نرخی پاترییه‌ تایبه‌ته‌كان دابه‌زین به‌خۆیه‌وه‌ ده‌بینێت.

كۆمپانیای‌ تۆیۆتا كه‌ باڵاده‌ستی بازاڕی ئۆتۆمبێله‌ تێكه‌ڵه‌كانه‌ له‌وانه‌ی كه‌ به‌ به‌نزین و كاره‌با پێكه‌وه‌ كارده‌كه‌ن، ئامانجیه‌تی تا ساڵی 2015 زیاتر له‌ 10 جۆری نوێی ئه‌و ئۆتۆمبێلانه‌ بخاته‌ بازاڕه‌وه‌.(S:PNA)

ئامادەکارییەکان بۆ پێشوازیکردن لە سەری ساڵی نوێ لە جیھان دا بەردەوامە، لەو چوارچێوەیەدا ئامادەکاری تەواو لە شاری (سیدنی)ی ئوسترالیا کراوە بۆ پێشوازیکردن لەو بۆنەیە.
بە وتەی لێپرسراوانی ئەو شارە بڕیارە لە شەوی سەری ساڵ دا مەزنترین نمایشی یاری ئاگرین لە نزیک بەندەری سیدنی سازبکرێت.
چاوەرواندەکرێت زیاتر لە ملیۆنێک‌و ٥٠٠ ھەزار کەس لە بەندەری سیدنی کۆببنەوە بۆ ئامادەبون لە چالاکییەکانی مەراسیمی پێشوازی سەری ساڵی نوێدا.s:kurdsat

سه‌رۆكی ئه‌نجوومه‌نی كارگێڕیی كۆمپانیای گووگڵ ئاشكرای كرد كۆمپانیاكه‌یان به‌م نزیكانه‌ كۆمپیوته‌رێكی

تابلۆیی به‌ ناوی گووگڵ نیكسس ده‌خاته‌ بازاڕه‌وه‌
سه‌رۆكی‌ ئه‌نجومه‌نی‌ كارگێڕیی‌ كۆمپانیای‌ گووگڵ (ئێریك شمیت) له‌ لێدوانێكدا له‌باره‌ی پلانه‌كانی داهاتووی گووگڵه‌وه‌ بۆ ركابه‌ریكردنی ئه‌پڵ و به‌رهه‌مه‌كانی كه‌ زۆرترین فرۆشیان له‌ جیهاندا هه‌یه‌، گوتی “له‌ ماوه‌ی 6 مانگی داهاتوودا پلانمان هه‌یه‌ بۆ چوونه‌ ناو بازاڕی ئامێره‌ تابلۆییه‌كانه‌وه‌ له‌سه‌ر به‌رزترین ئاست له‌ رووی پێكهاته‌وه‌ و ئه‌وه‌ش به‌رهه‌می ركابه‌ریی قورسی نێوان ئێمه‌ و ئه‌پڵه‌.”

به‌پێی‌ ماڵپه‌ڕی‌ ئیلاف، گووگڵ به‌نیازه‌ هاوبه‌شیی له‌گه‌ڵ چه‌ند دروستكه‌رێكدا بكات، له‌وانه‌ش سامسۆنگ له‌

رێگای گالاكسی 10 و ئه‌وه‌ش یارمه‌تی گووگڵ ده‌دات بۆخستنه‌ رووی

سیستمی تایبه‌ت به‌خۆی به‌ ناوی ئایس كرێم سانده‌ویچ له‌و ئامێرانه‌دا.

به‌ڕێوه‌به‌ره‌كه‌ی گووگڵ هه‌روه‌ها دووپاتی كرده‌وه‌ كه‌ كۆمپانیاكه‌ی كارده‌كات بۆ باشتركردن و گه‌شه‌پێدانی ته‌كنه‌لۆجیای ناسینه‌وه‌ی ده‌نگ كه‌ هاوتای به‌رنامه‌ی سیرییه‌ دوای ئه‌وه‌ی گووگڵ ئاشكرای كرد له‌ ماوه‌ی درێژی رابردوودا ئه‌زموونێكی زۆری له‌و لایه‌نه‌وه‌ په‌یدا كردووه‌.

هه‌ندێك پێشبینی ده‌كه‌ن ئامێره‌كه‌ی گووگڵ به‌ شێوه‌یه‌كی گشتی نوێ‌ نه‌بێت، به‌ڵكو گووگڵ پشتگیریی‌ زیاتری كۆمپیوته‌ره‌كانی وه‌ك مۆتۆرۆلا زووم و گالاكسی تاب بكات كه‌ به‌ سیستمی ئه‌ندرۆید كار ده‌كه‌ن. PNA:S

ئیسلام بۆ ھەمووان – موصحەفێکی قورئانی پیرۆز کە مێژووەکەی بۆ ١٠٠ ساڵ لەمەوبەر دەگەڕێتەوە لەشاری حەیدەرئابادی وڵاتی ھیند لەلایەن چەند مێروولەێکی سپییەوە تەواوی پەڕەکانی خورابوون ، بەڵام ئەوەی جێی سەرنج بوو مێرووەکان بەھیچ جۆرێک لە وشە و ئایاتەکانی قورئانەکەیان نەخواردووە و توخنی نەکەوتوون .. سبحان الله .. ئەم موعجیزانە بەسن بۆ کەسانێک کە بیردەکەنەوە .    سەرچاوە:islam4all

ئیسلام بۆ ھەمووان – لەوڵاتی بەنگلادیش دوای ڕوودانی یەکێک لەکارەساتەکانی باوبۆران و لافاو ئافرەتێکی دووگیان نقومبوو کە سکەکەی لە کۆتا مانگەکانیدا بوو ، دوای گەڕان بەدوایدا ئەم ئافرەتە نەدۆزرایەوە

تەنھا کۆرپەکەی نەبێت  بەزیندوویی دۆزرایەوە کە تازە لەدایک ببوو ، پاکی بۆ خوای گەورە کە ھەرچی بیەوێت دەیژیێنێت و ھەرچیش بیەوێت دەیمرێنێت …. الله أکبر

سەرچاوە:islam4all

ئیسلام بۆ ھەمووان – ئەو کۆرپەی کە دواتر ناونرا ساموێل ئەلیکساندەر کەسایەتی وێنەی کۆرپەیەکە کە دەستی دکتۆر دەگرێت لەکاتی نەشتەرگەریکردن بۆ ڕزگارکردنی گیانی کۆرپەلەکە .
پزیشک (جۆزێف برۆنر ) نەشتەرگەری بەپێویست زانی بۆ ڕزگارکردنی گیانی ساموێل لەمردن .
دایکی کۆرپەکە ( جولی ئارماس ) لاری نەبوو لە ئەنجامدانی نەشتەرگەرییەکە بەھۆی ئەوەی بەباشی دکتۆرەکەی دەناسی کەپێشتر کاری لەگەڵ دەکرد .
لەکاتی ئەنجامدانی نەشتەرگەرییەکە دکتۆر بە کردنەوەی رەحمی دایکەکە ھەڵسا ئا لەم کاتانەدا دەستی ئەم کۆرپەیە دەردەچێت و بەتووندی پەنجەی دکتۆر دەگوشێت وەک ئەوەی پێی بڵێت: ( سوپاس بۆتۆ کە بە ویستی پەروەردگار گیانم ڕزگار دەکەیت ).
دوای ئەوەی وێنەی ئەم دیمەنە سەرنجڕاکێشە کەوتە بەر نیگای ( ئارماس ) ی دایکی کۆرپەکە ، دایکە میھرەبانەکە نەیتوانی فرمێسکەکانی بۆ ماوەی چەند ڕۆژێک بوەستێنێت ، ھەروەک لەساتەکانی نەشتەرگەرییەکە دکتۆر و ئەوانی دەورووبەری شۆک گرتیانی .
نەشتەرگەرییەکەش ١٠٠% سەرکەوتوو بوو کە لەخوارەوە دەتوانن وێنەکانی دوای لەدایکبوونیشی ببینن .. سبحان الله

سەرچاوە:islam4all

به‌بۆنه‌ی‌ هاتنه‌وه‌ی‌ سه‌ری‌ ساڵی‌ تازه‌ی‌ كۆچی‌ (1433) پیرۆزبایی‌ گه‌رم ئاڕاسته‌ی‌ موسڵمانانی‌ كوردستان‌و جیهان ده‌كه‌ین.
السلام علیكم ورحمه‌ الله..
له‌خوای‌ گه‌وره‌ داواكارین كه‌ ساڵی‌ تازه‌ی‌ كۆچیمان بۆ به‌مایه‌ی‌ خێرو خۆشی بگێڕێت‌و ئومێدیش ده‌كه‌ین كه‌ هه‌موو لایه‌كمان هاتنه‌وه‌ی‌ سه‌ری‌ ساڵی‌ كۆچی‌ بكه‌ینه‌ مایه‌ی‌ زیاتر به‌ره‌و خوا چوون‌ ڕێگه‌ی‌ پێغه‌مبه‌ر (صلی‌ الله علیه وسلم) گرتن‌و دووباره‌ پیرۆزبایی‌ له‌هه‌موو لایه‌ك ده‌كه‌ین هه‌ر له‌خێرو خۆشیدا بن.

والسلام علیكم ورحمه‌ الله ..

له‌ دواترین وتاره‌كانیداِ (رۆبێرت ویل هێڵم گه‌ڵپن)ی ئه‌ڵمانی كه‌ ماوه‌ی 12 ساڵه‌ سه‌رقاڵی دروست كردنی ئۆتۆمبیلی گران به‌هایه‌ له‌ زێڕ و زیو پلاتین وتی ده‌یه‌وێت گران به‌هاترین جۆری ئوتۆمبیل دروست بكات كه‌ ناوی بچێته‌ په‌رتوكی جیهانی گینسه‌وه‌. گه‌ڵفن ڕاشی گه‌یاند” ئه‌و ئوتۆمبیله‌ی كه‌ دروستی ئه‌كات له‌ ئاڵتونی پاك(خاڵس) و پلاتین پێك دێت و وه‌ جۆری ئه‌و ئوتۆمبیله‌ش له‌ شێوازی ئوتۆمبیلی وه‌رزشی یه‌ و له‌ ڕاستیدا شێوازێكه‌ له‌ هونه‌ری دروست كردنی ئوتۆمبیل”. ئه‌و ئۆتۆمبیله‌ ناوی (ئه‌ڤێنتاده‌ر) ده‌بێت و له‌هه‌ر جێگه‌یه‌كی دانیشتنیدا 700 پارچه‌ زێڕی تێدایه‌. گه‌ڵفن وتیشی” ئه‌و ئۆتۆمبیله‌ هه‌موو كه‌سێك ئه‌گه‌ر بیه‌وێت ئه‌توانێت بیكڕێت”.S:payam

 (PNA)- وەزارەتی تەندروستی حکوومەتی هەرێمی کوردستان لە راگەیەنراوێکدا گرینی شیری قتوی بەناوی ( سوپەر میل 1) بەژمارەی باجی BN0014)) کەدروست کراوی ووڵاتی بەلجیکایە بەکێشی (400) غم قەدەخە دەکات.

وەزارەتی تەندروستی لەو راگەیەنراوەدا ئاگادری هاوڵاتیان دەکاتەوە کە ئەو شیرە بۆمنداڵانی خوار تەمەن شەش مانگ بەکاردێت، کەلەئەنجامی پشکنینەکان دەرکەوتوە کە جۆرێک لەبەکتریای زیان بەخشی تێدایە بۆتەندروستی منداڵ، خراپە.

هاوکات وەزارەتی تەندروستی تیمەکانی چاودێری تەندروستی لەشاروشارۆچکەکانی هەرێمی کوردستان ئاگادارکردۆتەوە هەرچی زوتر دەست بەسەر ئەو شیرە دابگرن بۆ لەناوبردنی لەبازارەکانی کوردستان .

توێژینه‌وه‌یه‌كی نوێ له‌ كۆمه‌ڵه‌ی زانستیی دڵ له‌ ئۆرلاندۆی ئه‌مه‌ریكا ئاشكرای كردووه‌, خواردنی سێ كیوی له‌ رۆژێكدا ده‌بێته‌ هۆی دابه‌زاندنی فشاری خوێن. به‌رزبوونه‌وه‌ی فشاری خوێن یه‌ك له‌ هۆكاره‌ سه‌ره‌كییه‌كانی تووشبوونی مرۆڤه‌ به‌ نه‌خۆشییه‌كانی دڵ كه‌ تا ئێستا هۆكاری یه‌كه‌مه‌ بۆ مردنی مرۆڤ له‌ جیهاندا. توێژینه‌وه‌كه‌ هه‌شت هه‌فته‌ به‌رده‌وام بووه‌ و میت سفندسن له‌ نه‌خۆشخانه‌ی زانكۆی ئۆسلۆ سه‌رپه‌رشتی كردووه‌ و 118 كه‌سی گرتووه‌ته‌وه‌ كه‌ ناوه‌ندی ته‌مه‌نیان 55 ساڵ بووه‌ و به‌رزبوونه‌وه‌ی فشاری خوێنیان هه‌بووه‌. نه‌خۆشه‌كان كراون به‌ دوو كۆمه‌ڵه‌وه‌ و كۆمه‌ڵه‌ی یه‌كه‌میان رۆژانه‌ سێ كیوی دراوه‌تێ و كۆمه‌ڵه‌ی دووه‌میش ته‌نیا یه‌ك سێوی دراوه‌تێ. دوای هه‌شت هه‌فته‌ ده‌ركه‌وتووه‌ فشاری خوێنی كۆمه‌ڵه‌ی یه‌كه‌م كه‌ كیوییان خواردووه‌ له‌ رۆژێكدا به‌ رێژه‌ی 3.6 پله‌ كه‌متره‌ له‌وانه‌ی سێویان خواردووه‌. توێژه‌ره‌كان گوتیان كۆمه‌ڵه‌ی كیوی خۆره‌كه‌ش فشاری خوێنیان هه‌ر ماوه‌، به‌ڵام پله‌كانی كه‌متر بووه‌.

سەرچاوە: میدڵ ئیست ئۆنلاین

(PNA)

دوای دوو مانگ له‌ بڕیاری ده‌ستهه‌ڵگرتنی له‌ به‌شی به‌رهه‌مهێنانی كۆمپیوته‌ری لاپتۆپ، و مانگێك له‌ دامه‌زراندنی میگ وایتمان به‌ سه‌رۆكی جێبه‌جێكار، كۆمپانیای ئێچ پی په‌شیمان بووه‌وه‌ له‌ بڕیاری داخستنی به‌شی كۆمپیوته‌ری لاپتۆپ.

ئێچ پی ئاشكرای كرد هه‌ڵسه‌نگاندنی بابه‌تییانه‌ و وردی بۆ كاریگه‌رییه‌ دارایی و ستراتیجی و بازاڕییه‌كانی ده‌ستهه‌ڵگرتنی له‌ دروستكردنی لاپتۆپ كردووه‌ و بۆی ده‌ركه‌وتووه‌ هێشتنه‌وه‌ی ئه‌و به‌شه‌ كه‌ كۆمپویته‌ری لاپتۆپ و مۆبایل و كۆمپیوته‌ری تابلۆیی ده‌گرێته‌وه‌ باشترین چاره‌سه‌ره‌ بۆ دۆسته‌كانی كۆمپانیاكه‌ و كڕیاره‌كانی و كۆمپانیا به‌كاربه‌ره‌كان و خاوه‌ن پشكه‌كانی كۆمپانیاكه‌ و ته‌نانه‌ت كارمه‌نده‌كانیشی.
ئێچ پی كه‌ گه‌وره‌ترین به‌رهه‌مهێنی لاپتۆپه‌ له‌ جیهاندا به‌وه‌ی له‌ ساڵی 2010 كۆی 40.7 ملیار دۆلاری ده‌ستكه‌وتووه‌، ده‌ڵێ هه‌ڵسه‌نگاندنی بۆ به‌شی لاپتۆپی خۆی كردووه‌ و بڕیاری داوه‌ ئه‌زمووندارانی كۆمپانیاكه‌ له‌ هه‌موو به‌شه‌كانی تره‌وه‌ بخاته‌ خزمه‌تی ئه‌و به‌شه‌وه‌.

كۆمپانیاكه‌ هه‌ڵسه‌نگاندنی بۆ هه‌موو به‌شه‌كانی خۆی كردووه‌ و هه‌ڵسه‌نگاندنه‌كه‌ هاوسه‌نگییه‌كی له‌ نێوان به‌شی لاپتۆپ و یه‌كه‌كانی دیكه‌ی به‌رهه‌مهێنان و یه‌كه‌ی كه‌ناڵه‌كانی دابه‌شكردنی زانیارییه‌كان و كڕیاراندا كردووه‌، هه‌روه‌ها به‌شداری گه‌وره‌ی به‌شی لاپتۆپ و روون بووه‌وه‌ هه‌ڵسه‌نگاندنه‌كه‌ ده‌ڵێ كردنه‌وه‌ی به‌شی لاپتۆپ له‌ ژێر ناوی كۆمپانیایه‌كی سه‌ربه‌خۆدا یه‌ك ملیار دۆلار له‌سه‌ر كۆمپانیاكه‌ ده‌كه‌وێ.
له‌ مانگی ئابی رابردوودا ئێچ پی بڕیاری داخستنی به‌شی لاپتۆپی خۆی ده‌ركرد و ئه‌و بڕیاره‌ بووه‌ هۆی دروستبوونی بوومه‌له‌رزه‌یه‌ك له‌ بازاڕه‌كانی ته‌كنه‌لۆجیا و ترسی هاوبه‌شه‌كانی.S:PNA

 بەرگە گرتنی سەرما یەکێک لەو ئەرکانەی کە مرۆڤ تووشی نەخۆشی و سەر ئێشە دەکات بەڵام پیاوێکی ئەمەریکی توانی بۆ نزیکەی دوو کاتژمێر لە نێو سەھۆڵدا دابنیشێت.

پێاوێکی ئەمەریکی بەناوی ویم ھوف کە نازناوی پیاوی سەھۆڵی پێبەخشرا توانی بۆ ماوەی یەک کاتژمێر و ٥٢ خولەک و ٤٢ چرکە بەتەواوی جەستەیەوە لەنێو سەھۆڵ دابنیشێت بەمەش ژمارەیەکی پێوانەیی تۆمارکرد لەبەرگە گرتنی سەرما.

(PNA)-

– زانایانی ئاژانسی ناسای ئه‌مه‌ریكی ئاشكرایان كرد ئه‌گه‌ر هه‌یه‌ شاخێكی گه‌وره‌ی به‌فرین به‌ قه‌باره‌ی شاری نیویۆركی ئه‌مه‌ریكا دروست ببێت به‌هۆی روودانی كه‌رت بوون له‌ ناوچه‌ی رووبارێكی به‌فرین له‌ جه‌مسه‌ری باشوور.

ئاژانسی ده‌نگوباسی ئه‌ڵمانی له‌ زانایانی گواسته‌وه‌،  تێبینی له‌تبوونه‌كه‌یان كردووه‌ له‌ 14ی تشرینی یه‌كه‌می رابردوودا كاتێك نه‌خشه‌ی دوورگه‌ی سنه‌وبه‌ری به‌فرینیان له‌ ئاپین ئایلاند له‌ كیشوه‌ری جه‌مسه‌ری باشوور به‌هۆی فڕۆكه‌یه‌كه‌وه‌ ده‌كێشا.

زاناكان گوتیان، درێژیی له‌تبوونه‌كه‌ ده‌گاته‌ 29 كیلۆمه‌تر و پانییه‌كه‌ی 80 مه‌تره‌ و رۆژانه‌ نزیكه‌ی 1.8 مه‌تر زیاد ده‌كات.

زاناكان روونیان كرده‌وه‌ ئه‌و جۆره‌ له‌تبوونه‌ به‌ شێوه‌یه‌كی سروشتی هه‌موو ده‌یه‌یه‌ك رووده‌دات و په‌یوه‌ندی به‌ دیارده‌ی قه‌تیسمانی گه‌رماوه‌ نییه‌ و گوتیان له‌وانه‌یه‌ ئه‌و پارچه‌ شاخه‌ له‌ كۆتایی ئه‌مساڵ یان سه‌ره‌تای ساڵی داهاتوودا به‌ ته‌واوی جیا ببێته‌وه‌.

سه‌رچاوه‌: میدڵ ئیست ئۆنلاین  -  (PNA)

ھەوادارنی ماتۆڕسیکل لە جیھان و لەلای خۆشمان زۆرن بەڵام ئەمەی لەو وێنەیە دەیبینی درێژترین ماتۆڕسیکلی جیھان کە تا ئێستا دروست کرابێت.

ھاوڵاتییەکی بەریتانی بە ناوی کولن فیرز ھەڵسا بەدروست کردنی درێژترین ماتۆڕسیکلی جیھان کە درێژیەکەی ٢٢مەترە و جێگەی ٢٥ کەسی دەبێتەوە و دەتوانێت بەخێرایی ٥٦کم لە کاتژمێریکدا بڕوات . سه رجاوه (PNA)

دوينى ئێواره‌ له‌سه‌ر یاریگای عومانی نێوده‌وڵه‌تی له‌ ئه‌رده‌ن هه‌ڵبژارده‌ی عێراق بووه‌ میوانی ئه‌رده‌ن، عێراقیه‌كان له‌یاری چوون كه‌ له‌هه‌ولێر ئه‌نجام درا به‌ئه‌نجامی 2 گۆڵی بێ به‌رامبه‌ر توشی شكست هاتن، به‌ڵام له‌م یاریه‌دا تۆڵه‌یان كرده‌وه‌و توانیان به‌ئه‌نجامی (3-1) یاریه‌كه‌ ببنه‌وه‌.

هه‌رچه‌نده‌ ئه‌رده‌نیه‌كان سه‌ره‌تا له‌خوله‌كی حه‌سه‌ن عه‌بدولفه‌تاحه‌

وه‌ گۆڵێكیان له‌خوله‌كی 17دا تۆمار كرد، به‌ڵام پاش تێپه‌ربونی 10 خوله‌ك به‌سه‌ر تایمی دووه‌مدا نه‌شئه‌ت ئه‌كره‌م توانی ئه‌نجامه‌كه‌ یه‌كسان بكاته‌وه‌، له‌خوله‌كی 66دا قوسه‌ی مونیر گۆڵی دووه‌می بۆ عێراق تۆمار كرد، نه‌شئه‌ت ئه‌كره‌م سه‌ركه‌وتنی

عێراقی دووپات كرده‌وه‌ به‌تۆمار كردنی گۆڵی سێهه‌م له‌خوله‌كی 82دا.

به‌م شێوه‌یه‌ش هه‌ڵبژارده‌ی عێراق كۆی خاڵه‌كانی له‌گه‌ڵ ئه‌رده‌ندا یه‌كسان كرده‌وه‌ كه‌ هه‌ریه‌كه‌یان خاوه‌نی 12 خاڵه‌‌و پێكه‌وه‌ سه‌ركه‌وتن، به‌ڵام به‌جیاوازی گۆڵ ئه‌رده‌ن له‌پله‌ی یه‌كه‌مدایه‌.